തളിപ്പറമ്ബ്: ‘കരുതലിനായി കര്മം കൊണ്ടൊരു പുണ്യം’ പിരിവിലൂടെ 2,52,608 രൂപ ലഭിച്ചു.
എസ്.എം.എ ബാധിച്ച് ചികിത്സയില് കഴിയുന്ന പരിയാരം വായാട്ടെ മൂന്നു വയസ്സുകാരി ഷാനി മോളുടെ ജീവന് രക്ഷിക്കാന് സന്നദ്ധ പ്രവര്ത്തകര് തൃഛംബരം ക്ഷേത്രോത്സവത്തിന്റെ സമാപന ദിനമായ കൂടിപ്പിരിയല് ദിനത്തില് നടത്തിയ പിരിവിലൂടെയാണ് തുക സമാഹരിച്ചത്.
ഉച്ചക്ക് ഒരുമണി മുതല് 110 സന്നദ്ധ പ്രവര്ത്തകര് 25 സ്ക്വാഡുകളായാണ്, ക്ഷേത്ര പരിസരത്തെത്തിയ പൊതുജനങ്ങളില്നിന്ന് സാമ്ബത്തിക സ്വരൂപണം നടത്തിയത്. ചികിത്സ സഹായ കമ്മിറ്റി ചെയര്മാന് ടി. ഷീബ, ജനറല് കണ്വീനര് പി.സി. റഷീദ്, കോഓഡിനേറ്റര് എ. രാജേഷ്, സഹ ഭാരവാഹികളായ ഇ.ടി. രാജീവന്, പി.വി. അബ്ദുല് ഷുക്കൂര്, സി. ബാലകൃഷ്ണന്, ഇ.കെ. അജയകുമാര്, പഞ്ചായത്ത് അംഗങ്ങളായ ആര്. ഗോപാലന്, ടി.പി. രജനി, ടോണ വിന്സെന്റ്, ടി. സുനില് കുമാര്, പി.വി. സജീവന് എന്നിവര് നേതൃത്വം നല്കി.