പത്തിരിപ്പാല: വീടിന്റെ ചുമരിടിഞ്ഞ് വീണ് മണ്ണിനടിയില്പെട്ട ഏഴ് ആടുകള് ചത്തു. മങ്കര കല്ലൂര് ചേലങ്കരയില് വയോധികയായ മുത്തു മണിയുടെ 12 ആടുകളില് ഏഴെണ്ണമാണ് ചത്തത്.
വെള്ളിയാഴ്ച പുലര്ച്ച 2.30ഓടെയാണ് സംഭവം. പഴയ വീടിന് സമീപത്തായാണ് ആട്ടിന്കൂട് സ്ഥിതി ചെയ്യുന്നത്. തകര്ച്ചയിലായ വീടായതിനാല് മുത്തുമണിയും സഹോദരിയും സമീപത്തെ ഷെഡിലാണ് താമസം. പഴയ വീടിന്റെ ചുമര് തകര്ന്ന് ആട്ടിന് കൂടിന് മുകളിലേക്ക് വീഴുകയായിരുന്നു.
ആടുകളുടെ കൂട്ടക്കരച്ചില് കേട്ട് വീട്ടുകാര് ഓടിയെത്തി ബന്ധുക്കളെ വിളിച്ചു കൂട്ടി രക്ഷാപ്രവര്ത്തനം നടത്തിയെങ്കിലും രക്ഷിക്കാനായില്ല. മൂന്നെണ്ണം ഗര്ഭിണികളും നാല് ആടുകള് പ്രസവം കഴിഞ്ഞതുമാണ്. ആട് വളര്ത്തിയും പാല് വിറ്റുമാണ് വയോധികയായ മുത്തു മണിയുടെ ഉപജീവനമാര്ഗം. ഇതോടെ ഇവരുടെ ഉപജീവനമാര്ഗം നിലച്ചു. മങ്കര ഗ്രാമപഞ്ചായത്ത് പ്രസിഡന്റ് എം.എന്. ഗോകുല്ദാസ് സ്ഥലത്തെത്തി. വിവരം അറിയിച്ചതിനെ തുടര്ന്ന് മങ്കരയിലെ വെറ്ററിനറി ഡോക്ടറും സ്ഥലത്തെത്തി തുടര്നടപടികള് സ്വീകരിച്ചു. ദുരന്ത ദിവാരണവുമായി ബന്ധപ്പെട്ട് സഹായം ലഭ്യമാക്കുമെന്ന് പഞ്ചായത്ത് പ്രസിഡന്റ് അറിയിച്ചിട്ടുണ്ട്. സങ്കരയിനം ആടുകളായതിനാല് രണ്ടു ലക്ഷത്തോളം രൂപയുടെ നഷ്ടം കണക്കാക്കുന്നു.