പെരിന്തല്മണ്ണ: ആന്ധ്രയില് നിന്നും കേരളത്തിലേക്ക് ട്രെയിനിലൂടെ കടത്തിയ കഞ്ചാവുമായി രണ്ടുപേര് പെരിന്തല്മണ്ണയില് അറസ്റ്റില്.ചെറുകര പുളിങ്കാവ് സ്വദേശി കാഞ്ഞിരക്കടവത്ത് അബ്ദുല് മുജീബ് (39), തൃശൂര് വരന്തരപ്പള്ളി സ്വദേശി മംഗലത്ത് വിനീത് (30) എന്നിവരെയാണ് പെരിന്തല്മണ്ണ പോലീസ് പിടികൂടിയത്.
ആന്ധ്രാപ്രദേശില് നിന്നും ട്രെയിന്മാര്ഗം കഞ്ചാവ് എത്തിക്കുന്ന സംഘം പ്രവര്ത്തിക്കുന്നെന്ന വിവരത്തെ തുടര്ന്ന് നടത്തിയ അന്വേഷണത്തിലാണ് ചെറുകര റെയില്വേ സ്റ്റേഷന് സമീപം എയര് കൂളറിനുള്ളില് ഒളിപ്പിച്ച് കടത്തിയ 12 കിലോഗ്രാം കഞ്ചാവുമായി പ്രതികളെ പിടിയിലായത്.
മാസത്തില് രണ്ടും മൂന്നും തവണ ഈ രീതിയില് കഞ്ചാവ് കേരളത്തിലെത്തിച്ച് ആവശ്യക്കാര്ക്ക് എത്തിച്ചതായി പ്രതികള് പറഞ്ഞതായി പോലീസ് അറിയിച്ചു. അബ്ദുല് മുജീബിന്റെ പേരില് കൊളത്തൂര്, പെരിന്തല്മണ്ണ, തിരൂര് സ്റ്റേഷനുകളില് കഞ്ചാവ് കേസുകളും കവര്ച്ച കേസുകളുമുണ്ട്. കഴിഞ്ഞ മേയില് നാല് കിലോഗ്രാം കഞ്ചാവുമായി മുജീബിനെ തിരൂര് പോലീസ് അറസ്റ്റ് ചെയ്തിരുന്നു.
വിനീത് വയനാട്, പാലക്കാട്, തൃശൂര് ജില്ലകളിലായി ഹൈവേകളില് കവര്ച്ച, കഞ്ചാവ് കടത്ത്, വധശ്രമം അടക്കം 12ലധികം ക്രിമിനല് കേസുകളില് പ്രതിയും കുപ്രസിദ്ധ ഗുണ്ട പല്ലന് ഷൈജുവിന്റെ സംഘത്തില് പ്രവര്ത്തിച്ചിരുന്നയാളുമാണ്. രണ്ടുപേരും ഈ അടുത്താണ് ജാമ്യത്തിലിറങ്ങിയത്.